Fáðu yfirsýn Tímon

// Tímaskráningar

Með Tímon tímaskráningum er haldið utan um skráningar og fjarveru starfsfólks. Hægt er að sjá í rauntíma mætingar, fjarveru og útreikninga á tímum, hvort sem þeir skiptast í dagvinnu og yfirvinnu, álag, föst mánaðarlaun eða annað. Tímon er einnig mikilvægt verkfæri til upplýsingagjafar fyrir starfsfólk til að fylgjast með eigin mætingu og orlofsstöðu og býður upp á samskiptaleið við yfirmenn.

Einfaldar launavinnslu

Tímon getur stutt við helstu kjara- og sérkjarasamninga og veitir stuðning við launafulltrúa við launaútreikning. Tímon tengist öllum helstu launakerfum og eykur áreiðanleika í gagnavinnslu.

// Fjarveruskráning

Með Tímon Fjarveruskráningu er hægt að halda utan um alla fjarveru starfsfólks, svo sem orlof, veikindi og veikindi barna, án þess þó að starfsfólk stimpli sig inn og út allra jafna. Starfsfólk getur jafnvel haft heimild til að skrá fjarveru sjálft og/eða sótt um t.d. frí í gegnum Fjarverubeiðni í Tímon. Með fjarveruskráningu er hægt að fylgjast með orlofsnýtingu og orlofsstöðu starfsfólks, fá skýrslur yfir veikindi og ýmislegt annað sem gott er að hafa yfirsýn yfir. 

// VIÐVERA

Með Tímon Viðveru er haldið utan um viðveru starfsfólks í rauntíma og móttaka eða símsvörun getur á augabragði séð hver eru við og hver ekki, hvenær fólk er væntanlegt og alla fjarveru starfsfólks. Hentar meðal annars vel fyrir vinnustaði í skrifstofuumhverfi og dreifðu starfsumhverfi.

Tímon Viðvera veitir einnig starfsfólki upplýsingar um samstarfsfólk, hvort það sé á staðnum, ásamt almennum starfsmannaupplýsingum.

// Verkskráningar

Með Tímon Verkskráningu er hægt að skrá tíma á verk úr gsm síma og halda þannig utan um tíma unnin á mismunandi verk í rauntíma. Hægt er að reikna kostnað á verk á einfaldan hátt. Kerfið hentar vel verktakafyrirtækjum sem eru með dreifðar starfsstöðvar. Hægt er að taka út verkskýrslur úr kerfinu eða senda gögn í önnur verk- og bókhaldskerfi.

Einnig er hægt að verkskrá tíma í verkbókhald gegnum vefviðmót eða frá tækjastiku og halda utan um útskuldaða tíma starfsfólks. Hentar vel þjónustufyrirtækjum eins og verkfræði- og lögmannsstofum sem halda utan um tíma og verk.

 // Vaktaplan

Með Tímon Vaktaplani er einfalt að skipuleggja vaktir, breyta eða færa vaktir eða vaktarúllur. Þú getur séð hversu vel vaktirnar fylla upp í vinnuskyldu starfsmannsins svo þær fari ekki yfir vinnuskyldu tímabils, og lágmarkar þannig yfirvinnustundir í fyrirtækinu. Hægt er að áætla launakostnað samkvæmt vaktaplani og fá þannig enn betri yfirsýn yfir reksturinn. 

Starfsfólk hefur aðgang að vaktaplani í gegnum Tímon appið og getur þannig nálgast vaktaplanið hvar og hvenær sem er. Skiptivaktavirkni er í boði í appinu þar sem starfsfólk getur boðið vaktir lausar og gripið lausar vaktir, með samþykki yfirmanns. Starfsfólk fær tilkynningar í appið þegar vaktaplan er birt, breytt eða vaktir eru í boði. 

// Mötuneyti

Tímon mötuneyti hentar vel fyrir stór og smá fyrirtæki. Úttektir í mötuneytiskerfinu færast beint í launaskýrslu viðkomandi starfsmanns sem auðveldar allt utanumhald varðandi úttektir, hvort heldur er í mötuneyti eða starfsmannasjoppunni.

Í spjaldtölvuviðmóti er hægt að stilla svo starfsfólk panti/skrái mat við innstimplun. Þessa virkni er hægt að tímastilla. 

Starfsfólk getur fylgst með eigin úttektum með því að skoða sínar skýrslur. Einnig hentugt fyrir starfsmannafélög fyrir ýmsar úttektir starfsfólks.